GOENCHO ADEUS

GOENCHO ADEUS

Ugddas maka

Mojea burgeaponnailo sodanch eta, 

Jednam viaj marun amcho xezari

Porot bailea gavan voiche adle ratri

Bolkavant zatali zoma vaddeantlea lokachi

Ani dukhest asle zaite-se dusre xezari.

Burgo asslom aum, auchit vollon nodor moji poddli

Tor tednam disso maka

Ghorchim kortat gai munn Devak

Kherit aplim magnnim

Polloun pustalin munn aplim dukam

Chodd dukh maka bogtali.

Astanam ami 

Amchea Goeam

Aikonk naslem 

‘Mortgage’ kitem gai munn tednam

Zolmolelea ghara bhair 

Dusrem ghor naslem amkam.

Atam zalim thoddinch vorsam

Amchea vhoddilanchem baxen

Bailea gavant 

Khud paulom aum atam

Ani ekach xarant ravon sarlim

Zaitim khuxealborith vorsam.

Punn chintun atam niall aum kortam

Sabar dis zalet passar

Ravon aum hea porkea ganvant

Chintlem vochonk dusrea gharant

Punn darantlo bhair aum sodhtam tednam

Goenche baxen xezari kiteak mellonk heunk nam makam?

Vorsam zaitim zalint atam

Burgeaponnailo ugddas 

Auchit anink ek pautt ailo makam

Jednam nodor moji poddli

Xezari aplea dharantlem tond

Katortalo mixinant tednam.

Aplem mixin bond korun

Tanklenam xezareak mojea,

Adeus korunk maka;

Chintun hea gauncheo thoddeo riti

Anink ek pautt vhodd dukh bogli maka

Pussunk poddlim avem mojinch dukam.

Adeus mojea

Goenchea xezarea

Pois thaun chodd tuzo ugddass eta maka

Kallzan thaun Deu Borem Koruum munntam

Magun bori saud ani bolaiki

Devan dhuincheak tukam.

Tony Fernandes                       July 2017